Pagadian City – Human gideklara nga persona non grata sa probinsya sa Zamboanga del Sur ang Communist Party of the Philippines-New Peoples’ Army (CPP-NPA) nibalik paghangop sabakan sa kagamhanan ang unom ka miyembro sa rebeldeng NPA.
Nitahan pagbalik sa gobyerno ang mga rebelde nga gikan sa kabukiran sa Brgy. Lison Valley ning syudad nga gipangunahan ni a.k.a Diego dala ang ilang mga armas.
Si a.k.a Diego nga tulo katuig nang naglihok sa walhong grupo maoy nidani sa iyang mga kauban nga mobalik sa gobiyerno apil na niini ang menor de edad nga si a.k.a Miguel.
Atol sa courtesy meeting, nanumpa ang mga surrenderees nga mosuporta sila sa programa kagamhanan sa atubangan nila ni Zamboanga del Sur Governor Victor Yu, 1st District Congreswoman Divina Grace Yu , 2nd District Congressman Leonardo Babasa ug Board Member John Regala ang chairman committee on peace and order.
Gikalipay sa mga opesyal nga nisalig na gobyerno ug inabati sa mga nitahang rebelde ang kausaban.
Sumala Lt. Colonel Marlowe Patria, commanding officer sa 53rd IB naagda ang sakop sa rebeldeng grupo gumikan sa nakita nilang opotonidad nga gitanyag sa gobiyerno sama sa Enhanced Comprehensive Local Integration Program (E-CLIP) benefits.
