Unom ka mga police units sa Police Regional Office 9 ang nahatagan ug pag-ila ilawom sa Performance Governance System (PGS) atol sa awarding Ceremony niadtong adlawng Lunes Hulyo 29, 2019 didto sa Camp Col Romeo A Abendan, Mercedes, Zamboanga City.
Ang Regional Mobile Forces Battalion 9 (RMFB9) ug Zamboanga del Sur Provincial Police Office (ZSPPO) nakuha nila ang “Gold Eagle Award” human nakuha nila ang 96.14% ug 95.04%.
Samtang sa laing bahin ang Isabela CPS adunay rating nga 94.61%, Zamboanga City Police Office(94.35%); Zamboanga Sibugay Police Provincial (92.84%); ug Zamboanga del Norte Provincial Police Office (90.26%) ug pulos kini naka kuha sa “Silver Eagle Award”.
Sa mensahe ni Police Lt. Gen Cascolan mapasalamaton siya sa Regional Advisory Council of PRO9 tungod sa padayon nga pagsuporta ngadto sa Police Regional Office 9 sa taas-taas na nga katuigan.
Performance Governance System (PGS) naila usab kining Philippine National Police – Peace and Order Agenda alang sa pag usab ug pagpa usbaw sa Rule-Of-Law (PNP- P.A.T.R.O.L) Plan 2030.
Aduna kini upat ka ang-ang gilangkuban sa initiation, compliance, proficiency ug institutionalization sa tumong nga mabag-o ang kalidad sa serbisyo sa kapulisan diha sa komunidad.
