Malamposon na migradwar an 16 ka mga partisipante sa unom ka hotels / resorts sa Surigao City na may mga swimming pool sa gihimo na First Aid Basic Life Support sanan Professional Lifeguarding Training na tagdumaya nan Phil. Red Cross SDN . An 9 ka adlaw na training tagsugdan nan jadton Abril 6 og nagtapos nan jadton Abril 14,2018. Sumaya pa ni PRC SDN Chapter Administrator Marilou Talingting na sa 16 ka partisipante lakip an ERS, 14 nan ini an nakakompleto sa requirement isip Professional Lifeguard samtang and 2 isab mipasar sa Personal Water Safety and Rescue. An mga establisemento na jaun nay Professional Lifeguards amu an musunod: 1.Mt. Carmel Farm &Spring Resort-5 2.Almont Beach Resort-2 3.Phil. Gateway Hotel-1 4.Seafarers-2 5.Villa Gertrudes-2 6.Fiesta Beach Resort-1 7.ERS-1 Kon kahinumdoman na tagtujo gajud na mahatagan nan training an amu na mga partisipante sa amu na mga hotels sanan resorts human tagmando sa gobyerno sa syudad na kinahanglan jauy ila mga Lifeguards para mahatagan nan seguridad an ila mga kostumer sa panahon na jauy mga tawag sa emerhensya labina kon may malunod sanan para malikayan an utro na pagkahitabo sa pagkalunod na diin miresulta pa sa pagkamatay nan mga biktima labina an mga kabataan.
