Davao City – Wala na matabang sa Bureau Fire Protection (BFP-Lanang) ang pagpalong sa kalayo nga mi-ugdaw sa unom ka tindahan kilid sa bus stop Panacan taliwala sa pag-ulan alas 4:30 ganinang kadlawon.
Subay sa inisyal nga imbestigasyon, mi-ulbo ang kalayo gumikan sa paggamit og extension wire sa tindahan ni Amore Uyanguren kung asa naka-kabit ang laing lima ka tindahan resulta sa sunog.
Apan giklaro sa imbestigador nga dili pa nila makumpirma kun electrical short circuit ba ang hinungdan sa sunog nga nadeklarang fireout pasado 5:00 sayo sa buntag kaganina.
Pulos walay nasalba nga mga gamit ug mga paninda ang mga tag-iya sa tindahan nga gilangkuban nila Manuel Montana,Merlin Katayas,Pasita Montana, Manuel Montana Jr., ug Ronnie Montana.
Dili pa masuta ang kinatibuk-ang damyos sa mao nga insidente.
Sumala sa Presidente sa Panacan Vendors and Canvassers Association nga si Nelson Villamero nga tem-poraryo giputlan og linya sa kuryente ang ubang mga tindahan sa nasangpit nga dapit.
RadyoMaN Joel Viray
