*General Santos City——— Gikumpirma ni Police Chief Inspector Jeng Salarda, ang hepe sa Makar Police Station nga adunay unom ka mga van gikan sa syudad sa Marawi ang nahidangat sa dakbayan sa Gensan.*
*Kini matud pa ang mga residente sa marawi nga apektado sa nagpadayong gyera tali sa tropa sa gobyerno ug teroristang grupo sa mga maute.*
*Sumala niya nga dihang miabot ang mga nahisgutan, temporaryo silang gibutang sa brgy. gym sa brgy. labangal ning dakbayan sa gensan.*
*Dugang pa niya nga gilayon silang nagpahigayoin ug pagsuta aron nga masigurong walay ni bisan usa nga miyembro sa teroristang Maute ang naka-uban.*
*Pagpaklaro man usab ni PCI Salarda nga adunay mga paryente ang mga nahisgutan dinhi sa dakbayan rason nga temporary una silang magpabilin dinhi samtang wala pa natapos ang kagubot sa syudad sa Marawi.*
*Gilangkuban man usab sa mga babaye ug mga kabataan ang maong van kung asa dili muubos sa usa ka gatos ang mga nahisgutan.*
*Paniguro man usba ni PCI Salarda nga ilahang nakuha ang mga pangalan s amga tawong gisak-an sa mga nahisgutang evacuees aron nga mas daling masayran kung adunay mga makadudahang panghitabo. (LORE MAE V. ROMUALDO)*
