Midsalip, Zamboanga del Sur – Prisohan ang gitugpahan sa unom ka indibidwal nga nag-atubang sa kasong pagpatay human kining nadakpan sa gipahigayon nga Joint Police Operation sa tropa sa Midsalip Municipal Police Station, elemento sa Zamboanga del Sur PPO-Intelligence Branch, Zamboanga del Sur Provincial Mobile Force Company ug Regional Mobile Force Battalion -9 didto sa Barangay Cabaluran, Midsalip, Zamboanga Del Sur alas 4:00 sa hapon niadtong Sabado.
Nadakpan ang unom ka mga akusado nga sila si Danilo Megabon, 25-anyos; Dionard Omilig, 32-anyos; Danny Tapales Jr., 22-anyos,; Jeser Sumaylo, 23-anyos, ; Eric Masulog, 26-anyos, ug Wen Masuloig, 43-anyos nga pulos residente sa Purok 3, Cabaluran, Midsalip, Zamboanga Del Sur.
Gidakop ang mga akusado pinasikad sa gahom sa warrant of arrest sa krimen nga Murder kun Pagpatay, nga dinokitan nga Criminal Case #20-10, 1733 pinitsahan Hunyo 2, 2020 nga gi-issue ni Analyn F. Ramas-Costanilla, Presiding Judge, Regional Trial Court, 9th Judicial Region, Branch 30, Aurora, Zamboanga Del Sur nga walay pyansa ang girekomenda ang korte bugti sa temporary nga kagawasan sa mga dinakpan.
Ang mga naaresto temporary nga gikustodiya sa Midsalip MPS.
