Davao City – Samdan ang unom ka mga indibidwal sa gikataho nga explosion incident, alas 11:50 sa kagabhion sa milabay’ng adlawa, June 23, sa may Purok 1, Brgy. Bukal, Nabunturan, ComVal Province.
Giila ang mga biktima nga sila si alayas Jessa, 9 anyos; alyas Chris, 8 anyos; alyas Jay, 4 anyos; Cecile Nuebe, 41 anyos; Catalino Buñol, 40 anyos ug Daisy Pandisigue, 18 anyos.
Atol sa gilusad nga imbestigasyon, narekober sa crime scene ang usa ka aluminum shrapnel nga lakip sa eksplosibo ug sunog nga gun powder ug gidala na sa Provincial Crime Laboratory Office (PCLO-Comval) aron ma-eksaminar.
Sa kasamtangan nagpahigayon na’g follow-up operation ang kapulisan sa Nabunturan aron maila ug masikop ang mga naghimo sa krimen ingon man usab ang pagpa-alim sa mga nabiktima sa maong insidente.
RadyoMaN Jason Amisola
rags: dxdc 621 davao
