Davao City – Boluntaryong muhikay sa iyang resignation letter ang hepe sa Davao City Police Office (DCPO) panahon nga dili ma-implementar ang kampanya sa kapulisan nga pagbatok sa Unsafe Driving or Riding dinhi sa syudad sa Davao.
Sumala ni DCPO city director P/Sr. Supt. Alexander Tagum, siya na mismo ang mu-resign kung dili matuman ang mando ni Davao City Mayor Sara Duterte-Carpio mahitungod sa kaulaw sabay sa pagbahad nga i-relieve niini ang mga pulis kung adunay mamatay nga rider ilawom sa ilang area of responsibility.
“Effective today I have warned my people nga pagnaay mamatay na riders kay walay helmet then definitely I will relieve them kay kung dili nako ni ma-implementar sa Davao City, ako mismo ang mu-resign tungod sa kaulaw nga dili nako matuman ang sugo sa atong mayor nga unsafe driving/riding dinhi sa city,” segun niini.
Gipaniguro ni Tagum nga mamahimong mas hugot pa ang pag-implementar sa traffic law batok pagbyahe nga lango sa bino ug droga lakip na ang mga walay helmet.
Gikanayon sa hepe nga nag-ugat ang maong kampanya human adunay pamilya nga namatay niadtong Disyembre 2018 gumikan lango sa bino ang amahan nga nagmaneho sa motor ug walay suot nga helmet ang mga angkas niini.
Karong adlawa gilusad ug sugdan na og implementar ang maong kampanya sabay sa pag authorize sa 183 ka mga personahe nga mipailawom sa basic traffic law enforcement training sa Land Transportation Office (LTO).
RadyoMaN Jason Amisola
