Davao City – Dismayado ang pipila ka mga residente sa lugar kun diin asa gi demolish kagahapong adlawa ang kapin kinse ka mga bubong partikular sulod sa UP Mindanao sa may Prk. 9 117 Bago Oshiro Tugbok District ning syudad human nga wala mo tuman sa Memorandum of Agreement kun MOA.
Mipasalig matud pa kaniadto ang maong unibersidad nga kun unsa kadak-on ang kuhaon kanila mao usab ang luna nga ibalik ngadto kanila nga diha ra usab sulod sa maong compound.
Apan milanat sa taas nga panahon ang pakigbisog ug mas nitaas ang interest sa unibersidad sa maong luna ug misangpot sa kaso.
Napildi sa kaso ang mga residente ug Huwebes sa hapon malampuson nga gipapas ang ilang mga balay.
Hinoon dunay dayalogo nga gibuhat tali sa lokal nga panggamhanan ug sa mga residente ug sa karon makig alayon lang una sila ngadto sa ilang mga barangay officials.
RadyoMaN Paul Canono
