Upat angol sa disgrasya sa Tagakpan

15

Davao City – Gidala sa balay tambalanan ang upat ka mga lalaki human nadisgrasya ang ilang gisakyan nga motorsiklo sa may Davao-Bukidnon Road.

Mga biktima naila nga sila si Marlon Lanorias, 32 anyos taga SIR New Matina ug nasayran nga wala kini lisensya ug wala sab kini suot nga helmet samtang ang angkas niini mao si Arnel Quindao Lanoria, 32 anyos residente sa Barangay Los Amigos Tugbok ning siyudad.

Samtang ang pikas motorsiklo gimaneho ni Cesar Fuentes Macabenta, 58 anyos residente sa Molave Barangay Sto. Niño Mintal ug angkas niini si Alvin Adrade Tampos, residente sa may Mintal ning siyudad.

Base sa rekord sa Tugbok PNP nga ang duha ka mga motosiklo padulong sa direksyun sa may Angalan.

Matod pa nag una si Macabenta ug gigukod kini sa laing pang motorsiklo nga gidrayban ni Lanorias diin nasayran nga lango kini sa ilimnong makahubog.

Atol sa pag overtake nila Lanorias nawad an og kontrol ang iyang motorsiklo ug mibangga ang manobela niini sa likurang bahin sa ikaduhang motor hinungdan sa pagbangga sa duha ka motor ug pagkaangol sa mga biktima.

Daling gipangdala ang mga samaron sa SPMC ug padayon pa kining gina obserbahan sa mga doktor samtang ang mga motor gikustodiya na sa Tugbok PNP.

RadyoMaN Paul Canono

Facebook Comments