Davao City – Arestado atol sa Oplan Pagtugis sa Criminal Investigation and Detection Group (CIDG) Davao City Field Unit uban ang Sta. Ana PNP ang tulo ka mga lalaki didto sa may Purok 6, Brgy. 27-C alas- 7:40 sa buntag adlaw’ng Huwebes, Disyembre 13.
Giila ang mga suspek nga sila Janmhel Butanas Española, Ramel Judiadan Española Sr., ug Roland Rurol Cabanatuan.
Sumala ni Davao City-CIDG head Chief Insp. Milgrace Driz nga nasikop ang mga akusado pinasikad sa warrant of arrest sa kasong may kalapasan sa Republic Act 7610 o Special Protection of Children Against Abuse, Exploitation and Discrimination Act.
Ang mga suspek adunay P80,000 nga recommended bail bond nga gipagula ni Hon. Dante A. Baguio, Presiding Judge sa RTC 11, Branch 12, Davao City dated November 5, 2018.
Subay niini dakpan usab kagahapong adlawa atol sa Oplan Bolilyo ang usa ka tigpa-last two sa Seaside 2, Matina Aplaya, Davao City.
Ang dinakpan giila nga si Venancio Bacalla Vilbestre kinsa natayaan sa asset sa mga awtoridad.
Nakuha sa posisyon niini ang P450.00 bet money, usa ka cellphone ug mga nagkadaiyang gambling pharaphernalia.
Base sa accomplishment report sa CIDG-Davao sa mokabat sa 28 ka mga tao ang nadakpan gikan Oktobre kutob Nobyembre sa Oplan Pagtugis, Bolilyo ug Paglalansag Omega.
RadyoMaN Aimee Guinita
