Davao City – Gipang-aresto sa kapolisan ang upat ka mga tawo nga adunay mga kaso atol sa gilusad nga Major Anti-Criminality/Terrorist Clearing Operation ngadto sa ilang area of responsibility.
Sa Bunawan PNP, duha ang adunay warrant of arrest nga mao sila si Rodante Gamoyao, 44 anyos, residente sa may Ilang, Bunawan ning siyudad.
Kasong murder nga giisyu ni judge Lope Calio sa Branch 33 sa Regional Trial Court batok kang Core Perez, 26 anyos, residente sa Purok 10-A Tibungco ning dakbayan dunay kasong murder nga gipakanaog ni presiding judge Melinda Dayanghiran sa Regional Trial Court sa Branch 54.
Nasikop usab sa Marilog PNP ang usa ka Bernie Seña, 29 anyos, dunay kasong lugos nga pinirmahan ni judge Evalyn Morales didto sa Sitio Kasidsilyan, Brgy. Magsaysay Marilog district siyudad sa Davao.
Samtang sa Baguio PNP, alas 10:05 sa gabii nasikop sa kapolisan ang usa ka Samy Bernabe, 38 anyos, lumad nga taga Brgy. Talogoy, Malita Davao Occidental, nga dunay kasong pagpatay nga pirmado ni judge Magnolia Cayetano sa Branch 20 sa Regional Trial Court.
Ang upat ka dinakpan balhog na sa nagkadaiyang detention cell sa tulo ka mga Police Stations ning dakbayan.
RadyoMaN Don Pulayao
