Giakusahan karon sa Camp Alagar ang New Peoples Army sa nahitabong ambush nga nakapatay sa usa ka bata ug miangol usab sa police chief sa lungsod sa Lanao del Sur ug lain pang duha sa sook nga bahin sa Talakag, Bukidnon.
Gikatahong laing tulo pa ka mga pulis ang gidagit sa mga rebelde.
Matud ni Supt. Lemuel Gonda, ang spokesman sa Camp Alagar nga gilayon mihatag ug mando si police regional director Chief Supt. Timoteo Pacleb ngadto sa Regional Safety Batallion aron mohimo ug usa ka manhunt batok sa nasangpit nga mga rebelde nga gitoohang maoy responsible sa ambush niadtong Huwebes sa gabii.
Nasayran nga ang maong ambush ang mipatay sa upat ka bulang bata nga si Wanida Laginlab Ali, naigo kini sa bala ug misamad kang police chief inspector Joven Acuesta sa lungsod sa Manabilang, Sitti Atali ug Amin Lagindab nga taga Kili-kili, Amai Manabilang Lanao del Sur.
Nahitabo ang maong pagpangatake sa hilit nga lugar sa usa ka barangay sa Talakag.
Samtang nakig coordinate na sa militarya ang mga kapolisan aron magbuhat ug mga blocking force aron malakag ang mga responsible sa maong atake.
