Upat ka drug pusher nag pot session arestado

Davao City – Sikop sa San Pedro Police Station ang upat ka tigpayuhot sa ilegal nga droga, human napalitan og shabu ug pinaugang dahon sa marijuana sa buy bust operation alas 5:33 sa hapon niadtong milabay’ng adlaw sa Quirino Avenue, Brgy. 9-A, Davao City.

Sa report sa San Pedro Police Station, ang mga nadakpan mao sila alias Angkol, 42 anyos, laborer, alias Albert, 44 anyos, welder, alias Woody, 35 anyos, layout artist ug alias Jun, 29 anyos, driver, parihong residente sa nasampit nga lugar.

Napalitan sa poseur buyer nga pulis si alias Angkol og usa ka pakete nga shabu kambiyo P5,000 nga buy bust boodle money hinungdang nadakpan ug ang laing tulo ka suspek nga nagpot session.

Narecover sa kapulisan sa posisyon sa mga suspetsado, ang duha ka gramo nga gituohan shabu nga adunay street market value P32K, pinaugang dahon sa marijuana nga motimbang sa upat ka gramo nga adunay street value nga P680 ug mga Illegal drugs paraphernalia.

Mga dinakpan kasohan tungod sa kalapasan sa RA 9165 Comprehensive Dengerous Drugs Act of 2002.

RadyoMaN Don Pulayao