Dumalinao, Zamboanga del Sur— Balhog na karun sa Dumalinao MPS ang tulo ka dinakpan sa gipahigayon nga manhunt operation sa Dumalinao MPS dihang dapita sa Lobregat National High School, Tickwas, Dumalianao, Zamboanga del Sur pinasubay sa warrant of arrest nga gi-issue ni Hon Benjamin Lanzaderas, Presiding Judge sa 9th Judicial Regional Trial Court sa kaso nga rape og wala kini pyansa nga girekomendar sa korte.
Ang mga dinakpan naila sa mga pangalan nga sila si Jubert Villarta, 21 anyos, Grade 12 student og residente sa Purok Maisan, Baranggay Sebucao, Dumalinao Zamboanga del Sur, Jesreel Lazaderas, 18 anyos, Grade 12, residente kini sa Purok Upo, Sebucao Dumalinao, og usa ka Albert Morales Jr, 19 ayos usa usab ka Grade 12 og residente sa Brgy. Sumadat lungsod sa Dumalinao ning probinsya.
Samtang sa laing bahin usab boluntaryo nga mitahan sa iyang kaugalingon ang usa ka Ralph Lauren Ligan, 20 anyos, usa usab ka Grade 12 student sa susammang tulunghaan og residente kini sa Purok Camote, Sebucao, Dumaliano ZDS aduna kini kaso nga rape og kahinumduman nga kauban kini sa mga nasangpit nga dinakpan.
