Upat ka kagay-anong boksidor, dunay dula sa Russia, Canada ug Thailand

PC: City Information Office

Gikatakdang mobiyahe karong Septiyembre singko ning tuiga si 2018 Asian Games bronze medalist nga si Carlo Paalam.

 

Kini aron pagsalmot sa World Championships nga himoon sa Russia.

 

Samtang modula usab sunod semana ang laing boksidor ning syudad nga si Marvin Tabamo aron pagsalmot sa Canada Invitational Games.


 

Mahinumduman nga una nang misalmot sa Andaman International Boxing Championship sa Bangkok, Thailand niadtong Septiyembre 3 ang duha ka kagay-anong boksidor.

 

Matud ni Team CDO Boxing head coach Elmer Pamisa nga kini mao silang John Vincent Pangga sa men’s 52 kilograms ug Ailene Kaye Caranagan sa women’s 57 kilograms.

 

Ang maong mga boksidor miyembro sa RP national amateur boxing team ug kanhi mga produkto sa amateur boxing development program ni Mayor Oscar Moreno.

Facebook Comments