Gidayeg sa konseho sa Cagayan de Oro ang mga Kagay-anong nakasulod sa Top 10 sa Criminologist Licensure Examination nga gihimo sa niaging bulan.
Kini pinaagi sa usa ka resolusyon nga gisagop sa konseho sa pagpanguna ni Vice mayor Kikang Uy.
Lakip sa gidayeg mao silang Easter Marie Senieres nga naa sa ika-limang pwesto, Cristy Annababe Jamero sa ika-pitong pwesto, Lady Lyn Legaspi nasa ika-siyam nga pwesto ug Harley Glenn Galpo sa ika-napulong pwesto.
Nasayran nga si Senieres, Jamero ug Legaspi, nigradwar sa Cagayan de Oro College-Phinma Education Network o COC-PHINMA ug si Galpo nigradwar sa Capitol University o C-U.
Lakip usab sa gidayeg sa konseho ang mga kadagkoan, faculty ug staff sa COC-PHINMA ug C-U.
Nigawas usab nga nasa top 5 performing school sa tibuok nasud nga nagtanyag sa kursong criminology ang COC-PHINMA.
