Upat ka lalaking nalambigit sa illegal nga sugal, gisikop

16
PC: Misamis Oriental Provincial Police Office

Gisikop sa kapulisan sa Misamis Oriental ang upat ka mga lalaking nalambigit sa illegal nga sugal sa managlahing operasyon.

 

Lakip niini mao ang 29 anyos nga si Argie Sumile, minyo, driver ug taga Purok 6, Jampason, Initao, Misamis Oriental.

 

Si Sumile gisikop sa kapulisan sa Initao human nasapong nag tally sa illegal swertres, nakuha gikan kaniya ang upat ka tally sheets ug taya nga 230 pesos.

 

Samtang ang tulo ka mga lalaki ang dungan nga gisikop sa kapulisan sa Villanueva human nasapong nagsugal gamit ang braha.

 

Kini mao silang Janolino Santos, 49 anyos, minyo, Ronnie Carcueva, 48 anyos, minyo ug Carlos Villanueva, 66 anyos, ulitawo ug puros taga Purok 3, Zone 1, Katipunan, Villanueva, Misamis Oriental.

Facebook Comments