Upat ka mga Barangay sa Lungsod sa Molave, Zamboanga del Sur gilunopan

Pagadian City, Zamboanga del Sur——Upat ka mga Barangay sa Lungsod sa Molave, probensiya sa Zamboanga del Sur ang gilunopan human nahitabo ang padayong pagbundak sa ulan nga miresulta sa pag-awas sa SalugValley River.
Sa Pamahayag sa RMN-DXPR Pagadian ni Molave Municipal Mayor Ireneo Glepa, nga upat ka mga Barangay ang apektado kini mao ang Barangay Culo, Maloloy-on, Madasigon, Makugihon samtang moabot sab ngadto sa usa ka gatos ka mga tawo ang namakwit sa ilang evacuation center human nga misaka ngadto sa ilang mga puy-anan ang tubig tungod sa pag-awa sa suba.
Aminado si Mayor Glepa nga matag adunay kusog nga pagbundak sa ulan sa maong lugar anaa gyud ang pagbaha hinungdan nga daghang mga gamit sulod sa mga panimalay ang nangadaot samtang dili pa sab masuta kon pila ang katibuk-ang kantidad sa mga humay ang nangadaot tungod nagpadayon pa sila sa pagsuta.
Hinoon aminado si Mayor Glepa nga ilang gipasalamatan usab luyo sa nahitabo walay kinabuhi ang nausik hinungdan nga padayon sab ang iyang assistment sa lugar sa tabang nga ilang mahatag gawas sa mga bugas ug mga sardinas. (Mel Coronel/Kenneth Alvin Bustamante/dxpr news team

Facebook Comments