Upat ka mga cybersex den suspek naaresto sa South Cotabato

132

[image: cyber-sex.jpg]
Upat ka mga tawo lakip ang pulis ang gidakop human sa alegasyon nga nalambigit sa cybersex og child pornography pinaagi sa operasyon sa National Bureau of Investigation (NBI) sa South Cotabato human makadawat og impormasyon kabahin sa cybersex operations.

Giila sa NBI Central Mindanao Regional Office 12 ang pulis nga gisikop sa pangalang PO3 Retchie Boy Silot Buca kauban silang Jessa Canja Penacerada, Maria Jemma Penacerada Zarate ug Guillerma Penacerada Zarate.

Nadakpan ang mga nahisgutang suspek sa panimalay ni Maria Jemma Zarate ug Jessa Penacerada sa Polomolok, South Cotabato niaging Agosto 31 pinasikad sa search warrants giisyu sa Regional Trial Court Branch 35 General Santos City.

Sa operasyon sa NBI narescue ang unom ka mga babaye lakip ang upat ka menor de edad ingon gikumpiska sad ang dili lisensyadong armas ni PO3 Buca, computers, laptops, webcams, microphones, wifi-router, cellphones, bank book, mga identifaction cards og mga sex toys.

Dugang sa impormasyon sa NBI nga ginarecruit matod pa ang mga menor de edad aron magtrabaho isip mga cyber cam models nga magperform og malaw-ay nga exhibitions atubangan sa webcam na dunay bayad.

Mag-atubang ang upat ka mga suspek og kasong pagsupak sa Anti-Trafficking in Persons Act of 2003 ug Cybercrime Prevention Act samtang dugang kaso alang kay Buca ang illegal possession of firearms.

Facebook Comments