Davao City- Nasikop sa managlahing buy-bust operation Sta. Ana PNP ang upat ka mga tigpayuhot og illegal nga droga human nakuhaan og shabu nga mukantidad sa P30,000.
Mga dinakpan mao sila Marjun Roa,23 anyos, construction worker residente sa Purok 8, Brgy 31-D ning dakbayan, Neil James Flores, 31 anyos nagpuyo sa may Bolton St., Brgy39-D, Melchor Olaer, 35 anyos taga-Ponciano Reyes St. Brgy 4-A ug laing usa ka laborer nga nailang s Gabby Saraka,40 anyos, nagpuyo sa Purok 2 Brgy 23-C.
Ang upat ka mga dinakpan napalitan kini sa poseur buyer sa kapolisan og duha ka sachets nga shabu sa kantidad nga P1,500.00.
Narekober sa kapolisan ang kapin napulo ka mga sachets sa shabu ug mga drug paraphernalias.
Subay sa monitoring sa kapolisan nga sagad kustomer sa mga suspek mga construction workers ug mga commercial sex workers sa may Times Beach, Brgy76-A ning dakbayan.
Kasong maypaglapas sa RA 9165 ang ipasang-at sa mga suspek kinsa detinado karon sa Sta. Ana PNP.
RadyoMan Don Pulayao
