ILIGAN CITY- Usa pa lang ka linya ang maagi-ang dalan sa mga munisipyo didto sa may kolambugan, tubod, baroy ug lala lanao del norte human kini sila makasinati ug pagbaha ingon man landslide kagahapong adlawa gumikan sa walay hunong nga pag-ulan.
Gibutyag ni Lanao del Norte Provincial Disaster Risk Reduction and Management Office Head Marlyn Trozo nga gumikan sa walay hunong nga bundak sa ulan niadtu pang miaging gabii sa maong mga lugar hinungdan nga mi-awas ang tubig sa kasubaan ug drainage nga mao’y hinungdan sa pagbaha.
Ubay-ubay sa mga residente sa maong mga munisipyo ang mibakwit sa ilang mga panimalay sa kahadlok sa dakung bul-og sa tubig baha kun asa gipahimutang kini sila sa evacuation center.
Dili pa matino ni Trozo ang gidaghanon sa mga pamilyang mibakwit sa ilang mga panimalay tungod padayon pa ang ilang susi niini karon hinoon nahatagan naman sila ug mga ayuda.
Photo taken by Reyza Revelo Maquilava
Facebook Comments
