Davao City – Reckless imprudence resulting to damage to properties ang atubangon nga kaso ni Venancio Pagaran, kinsa driver sa cargo van nga mibangga sa tulo ka mga nagparking nga sakyanan alas 6:50 kaganiha’ng buntag sa dalan’g Milan, Buhangin ning syudad sa Davao.
Nabanggaan cargo van sa tubig nga padulong sa Sasa ang duha ka mga L300 passenger van nga gimanehoan nila ni Mario Awing ug Agustin Lugarta ug laing bus nga gimanehoan ni Joseph Paran.
Sa interbyu sa DXDC RMN Davao kang Pagaran, gibutyag niini nga nibato matud pa ang break sa iyang sakyanan rason nga nabangga niini.
Gitataw niini nga naka tresera lang matud pa ang iyang dagan ug sumala pa adunay paliko nga PUJ rason nga nakadesidir kini nga i-bangga na lamang sa bus nga naka parking apan nigahi iyang manubela nga miresulta sa pagkalambigit sa laing duha pa ka passenger van.
Hinoon walay nakahiagom og grabe nga samad sa maong insidente apan adunay pipila ka mga pasahero ang gidala sa balay-tambalanan gumikan sa damyos samtang gipasakay sa Mobile Patrol si Pagaran paingon sa Buhangin PNP human sa maong panghitabo.
RadyoMaN Jason Amisola / RadyoMaN Erin Lumosbog
