Davao City – Dakpan ang usa ka lalaki ug tulo mga babayi nga mga trabahante sa usa ka cellphone enterprise partikular sa may dalang Saavedra sa Toril District sa dihang nagkasinabut kini nga mangawat og cellphone ngadto sa tindhan nga ilang ginatrabahuan.
Mga suspek naila nga sila si Jivanne Chatto Ramos, Venus Mariano Gamboa, 22 anyos, Trish Kline Daguma Satur, 20 anyos ug si Regine Pilayo Nicdao, 18 anyos.
Sumala pa sa rekord sa Toril PNP bandang alas 1:45 sa hapon kagahapon nabantayan sa guard on duty nga si Joselito Epa Solaiman nga gipangsuksok sa bulsa sa mga suspek ang mga cellphone sa dihang nag roving kini sa maong lugar.
Sa pagsita sa gwardiya sa mga suspek nakuha gikan sa ilang kontrol ang upat ka mga cellphone nga mokantidad og 16,000 pesos ang sumada.
Mga dinakpan anaa na gipang kustodiya sa buhatan sa kapolisan sa Toril.
RadyoMaN Paul Canono
