Upat ka Militia ng Bayan members mi-surrender

19

Davao City – Boluntaryong mitahan ang upat ka miembro sa Militia ng Bayan (MB) nga sakop sa New People’s Army sa 16th Infantry Battalion, 2ID niadtong Hulyo 10.

Base sa report gikan sa 16th IB, atol sa ilang pag surrender ilang usab gidala ang pipila ka mga armas sama sa 30 ka anti-personnel Improvised Explosive Devices (IEDs), 4 ka cal.38 revolver nga dunay mga bala, 17 ka mga two way commercial radio transceivers.

Rason sa pag surrender sa maong mga kanhing miembro sa MB gumikan buot na nilang makaangkon og hamugaway nga pamuyo.

Nasayran nga ang maong mga surrenderees nagikan sa Barangay Fatima, Paquibato District syudad sa Davao.

Subay niini aduna usab nakit-ang usa ka cal.30 sniper rifle sa may kalubin-an sa usa ka residente sa Paquibato niadtong Hulyo 9.

Matod ni 16IB Commander Battalion LTC Darren E Comia nga mas gipakusgan ang koordinasyon karon sa kasundaluhan ug mga residente sa Paquibato hinungdan sa padayong pag surrender sa mga NPA.

RadyoMaN Abi Bibera

Facebook Comments