Davao City – Upat ka notadong tigpayuhot sa ilegal nga droga, ang nasikop sa Digos City Police Office sa managlahi nga operasyon ug lugar sa dakbayan sa Digos City.
Giila ang mga nadakpan nga sila Ariel Santos, Camilo Cartagena, Rommel Tablo, ug Jason Christian Ardiente, pulos hamtong ang mga pangidaron ug nagpuyo sa managlahi nga Barangay sa Digos City, Davao Del Sur.
Ang hiniusang puwersa kapulisan sa Digos ug Provincial Police Office nakakumpiska og 15 ka pakete sa gitohoang shabu nga mukantidad tanan og kapin P50,000, nilibong salapi, mga cellphone, armas, bala ug uban pang mga ebidensya nga iya sa mga suspetsado.
Ang upat ka dinakpan, kasohan tungod sa paglapas sa Republic Act 9165 o Comprehensive Dangerous Drugs Act of 2002, samtang si Ardiente laing kaso usab ang atubangon tungod sa pagdala og armas nga walay lisensya.
RdyoMaN Joel Viray
Facebook Comments
