Davao City – Wala pasayloa sa kapulisan, gisikop ug preso ang upat ka senior citizen human akto nasapon nga nagdula og mahjong.
Gilusad ang operasyon pasado alas-4:00 sa hapon sa may Palm Drive Buhangin resulta sa pagkasikop nila Sinier Odipan, Veriong Chanong, Freego Lofran ug Donald Cadamon, pulos mga senior citizen ug residente ra usab sa Buhangin.
Nakumpiska gikan sa ilang possession ang mga paraphernalia sa dulang mahjong lakip na ang 280 pesos nga taya.
Gikasa ang operasyon subay sa taho gikan sa sinaligang tinubdan ug gihikay na ang kasong kalapasan sa Presidential Decree 1602 kun Illegal Gambling batok sa mga dinakpan.
RadyoMaN Joel Viray
Facebook Comments
