General Santos City—sikop sa operatiba sa Police Station 4 ang upat ka mga sikad driver huma naaktuhang nagduha ug tong-its sa may purok Masunurin, Barangay San Isidro Gensan.
Ang mga suspek giilang silang si Rannie Mayo Rua, 51, residenti sa Purok Masunurin, Barangay San Isidro, Jason Coraquel Maratas, 34, Tito Buyog Pasojel, 50, pulos residenti sa samang lugar ug Allan Obliga Caceres, 37, residenti sa Purok Bayanihan, Barangay San Isidro.
Alas 2:30 ang takna sa buntag dihang nakadawat ug impormasyon nag Police Station 4 gikan sa nagpakabanang mga residenti bahin sa sugal nga gaoperate atubangan sa balay ni Rannie Rua.
Gilayong mirespondi ang kapulisan nga miresulta sapagkasikop sa mga nahisgutan human nga naaktuhang ag sugal ug tong-its. Narekober sa ilang posisyon ang baraha ingon man kwarta kantidad ug P168.00. sa karon balhog na ang mga nahisgutan sa silda sa Police Station 4.
