Davao City – Nadakpan sa kapolisan sa Sta Ana ang upat ka street level target kinsa nakuhaan og shabu human gikasa ang managlahing buy bust operation.
Base sa report gikan Sta Ana Pnp unang naaristo alas 9:20 kagabie sulod sa panimalay sa suspek nga nailang si Lourdes Guzon, 50 anyos nahimutang didto sa Purok 8, Brgy. Tacunan Mintal, ning siyudad ug lain pang duha nga nasikop nga nailang si Elizabeth Manilag, 51 anyos nagpuyo sa Brgy. 22-C ug usa ka Lourdes Angeles, 66 anyos residenti sa Purok 2, Brgy. 76-A syudad sa Davao.
Samtang ikaduhang nasikop sa buy bust operation bandang alas 12:35 sa kadlawon sa Block 19 Brgy 21-C Boulevard ning siyudad mao si Romeo Veles alyas Romy Bungi, 60 anyos nagpuyo sa nahisgutang lugar.
Narekober sa kapolisan ang 23 ka elongated heat sealed transparent plastic sachet nga gituohang shabu nga adunay estimated street market value nga mokantidad og 35,0000.00 pesos gikan sa posisyon nila Guzon, Manilag ug Angeles.
Samtang nakuha sa posisyon ni Veles ang upat ka sachet nga gituohang shabu nga mukantidad og 2,000.00 pesos lakip nakompiska ang mga illegal drug paraphernalia.
Ang upat ka mga dinakpan priso na Sta Ana Pnp ug mag atubang kini og kasong kalapasan sa RA 9165 Comprehensive Dangerous Drugs Act Of 2002.
RadyoMaN Don Pulayao
