Nakugang ang tag-iya sa tindahan nga si Jimlano Paisal Depositario human ilang nasapon ang mga kawatan nga misulod sa ilang tindahan didto sa brgy. San Roque, Sirawai, ZDN.
Naila ang mga suspek nga sila si Jebar Asara Dullah, 23, ulitawo; Alkamar Saddae Pawa, 17, residente sa brgy. Macuyon, ug si Mujave Abubakar Banguih, 17, taga brgy. Doña Cecilia ug Almadzor Jubai Dullah, 18, molupyo sa brgy. Sirawai Proper.
Naharang kini sila sa tag-iya ug sa mga tanod. Nakuha sa mga suspek ang nagkadaiyang rims sa sigarilyo lakip na ang salapi nga mokantidad sa (₱800.00), usa (1) ka unit sa cellphone.
Sa inisyal nga imbistigasyon, natingala ang tag-iya sa tindahan tungod sa kasikas nga iyang nadungog sa ilang tindahan hinungdan nga nakamata siya, ug didto iyang nakita ang upat (4) ka suspect sulod sa tindahan. Dugang pa, misaka matod pa ang mga suspek sa terrace ug giguba ang ceiling sa tindahan.
Sa pagkakaron nag atubang na ug kaso ang mga dinakpan nga anaa gi balhog sa Sirawai MPS.
