Upat ka suspek sa pagpangawat sulod sa shopping center, gipasakaan na og kaso

132
PC: Tsip Aye, Police Supt. Ariel Philip Pontillas

Gipasakaan na og kasong pagpangawat ang upat ka tawong nasikop sa kapulisan sa Gingoog City human nasapong nangawat sulod sa shopping center.

 

Kini ang gibutyag ni Police Supt. Ariel Philip Pontillas, Acting Chief of Police sa Gingoog City Police Station sa interview sa dxCC-RMN Cagayan de Oro.

 

Matud ni Pontillas nga lakip sa gipasakaan og kaso ang mga suspek nga puros taga Cagayan de Oro nga silang Evelyn Hongo, 58 anyos, balo, taga Barangay Bulua, Joven Alba, 50 anyos, minyo, taga Barangay Bulua, Ronald Castro, 25 anyos, taga Purok 3, Barangay Gusa ug ang 22 anyos nga si Liza An Ebanhi.

 

Mahinumduman nga nasikop ang mga suspek mga alas dies sa buntag kagahapong adlawa sa Prince Town Shopping Center sa Gingoog City human nasapon sa mga security guards.

Facebook Comments