Davao City- Gipang aresto ang upat ka mga tao human nagpalast two alas 7:55 kagabii natigayon sa Brgy. 21-C Piapi Boulevard ning dakbayan sa Davao.
Sa report gikan Sta. Ana PNP, gipang-ila ang mga suspetsado mao sila si Minda Baguio (48 anyos), Diane Baguio (18 anyos), Christina Paternio (51 anyos) pareho nagpuyo sa nasangpit nga lugar samtang lain pang usa mao si Archie Cabrillos, 31 anyos, residente sa Brgy. Leon Garcia ning siyudad.
Sa dihang gilusad ang anti-illegal gambling operation didto, nadakpan ang mga suspek nga nagsolicit kun sa mupatad og last two.
Narekober sa kapulisan ang bet money nga mokantidad og 1,530.00 ka pesos, duha ka ballpen, duha ka pad paper nga naka-tally ang correspondent number ug duha ka calculator.
Ang mga suspetsado temporaryong gikustodiya sa Sta. Ana PNP ug gihikay na ang kasong kalapasan sa Republic Act 9287 kun Anti-Illegal Gambling aron masang-at ngadto sa korte.
Radyoman Don Pulayao
