Davao City – Samad ug bun-og sa nagkadaiyang parte sa lawas, ang naangkon sa upat ka mga tawo human nabanggaan sa usa ka Mitsubishi Xpander Wagon nga sa pedestrian lane sa Bacaca Road, syudad sa Davao.
Daling gipangdala sa Southern Philippine Medical Center (SPMC), ang mga biktima mao sila Joel Ramiso, 59 anyos, Michael Bantigue, 49 anyos, Julmar Martinez, 32 anyos ug Genith Sabaten, 44 anyos, parihong residente sa Garcia Hieghts, Davao City.
Sa imbestigasyon ni PMSgt. Nelio Tambis, San Pedro Police Station Investigator, ang sakyanan gimaneho sa usa Jerome Taclidan. Matud pa nawad-an og control ang maong sakyanan gikan sa Ladislawa Village padulong sa J.P. Laurel Avenue ug pag-abot sa maong lugar sa dihang miliko nabanggaan ang upat ka biktima ug nideretso sa gate sa usa ka apartment.
Nadamyos usab ang laing sakyanan nga nagparking sa maong lugar.
Mga biktima padayon pang gitambalan sa SPMC samtang ang driver nga si Taclidan posibleng mag-atubang og kaso.
RadyoMan Don Pulayao
