Upat ka tawo, nadisgrasya sa motorsiklo

PC: RadyoMaN Nitz Arancon

Nadala sa Northern Mindanao Medical Center ang tulo sa upat ka mga tawo nga nagsakay sa motorsiklo sa dihang ilang nasugat ang grabing disgrasya sa Crossing Diversion Road sa Igpit, Opol, Misamis Oriental mga alas siyete kagabie.

 

Si Opol traffic Investigator SPO1 Arnel Acero mipa-ila sa upat ka mga biktima nga silang Dexter Gerald 28 anyos, Anatallo Luntayao 42 anyos,  Roger Mugot, 52  anyos  ug Andro Amporiges, 27 anyos, nga taga Bagocboc, Opol, Misamis Oriental.

 

Matud ni Acero nga ang upat ka mga biktima nagsakay sa ilang Baja color itom nga motorsiklo sa  dihang nakabangga sa usa ka pick up truck nga gimaneho ni Rolex Magallanes nga  empleyado sa He and Sons Company.


 

Ang maong pick up gikan sa Laguindingan Airport  samtang ang motor gikan sa  Barangay Bulua sa dihang nagsugat ang duha ka mga sakyanan sa Crossing Diversion Road sa Igpit, Opol ug nahitabo ang maong aksidente.

Facebook Comments