Pagadian City – Upat ka wanted person ang nadkapan kapulisan sa probinsya sa Zamboanga del Sur atol sa gilusad nga managlahing police operation kagahapong adlawa.
Unang nadakpan sa elemento sa kapulisan sa lungsod sa Margosatubig alas 9:10 sa buntag ang wanted sa kasong murder nga nailang si Luis Gantalao , 52 anyos, residente sa Purok Baluno, Brgy. Guinimanan, Margosatubig.
Nahulog usab sa mga kamot sa otoridad alas 10;30 sa buntag ang wanted sa kasong attempted murder sa joint operation sa PNP Pitogo ug Diplahan diin nasikop ang suspek nga si Selverio Ediang sa iyang pinuy-anan sa Purok Aquino, Brgy. Diplahan, Zamboanga Sibugay.
Alas 3 sa hapon dakpan usab sa PNP Pagadian ang duha ka wanted person nga nailang sila si Bon Ryan Mondivon Capayas, 29 anyos, ug Danny Ursal Garcia 42 anyos, pulos nagpuyo sa Purok Lacturan, San Pedro, Pagadian.
Ang mga nadakpan managsamang mananagat nga parehong nakalapas sa R.A 8550 “_THE PHILIPPINE FISHERIES CODE OF 1998_.
RADYOMAN KENNETH BUSTAMANTE
