Davao City – Upat ka mga tawo ang gipangsikop pinaagi sa warrant of arrest tungod sa nagkalain-laing kaso atol sa gipahigayon nga ‘Oplan Bulabog’ sa Sta Ana PNP niadtong miaging adlaw.
Gipahigayon ang maong operasyon ubos sa ilang Area of Responsibility (AOR) diin sikop ang mga dinakpan nga naila nga sila si Stephen Lomosora Gondora, 24 anyos residente sa Villa Abrille, Brgy 30-C sa kasong alarm scandal, Gorgonio Pelanio Orbigo, 54 anyos sa kasong murder, Robert John Cabase Baliota , 24 anyos, residente sa may dalang Guerrero Brgy. 24-C diin nasikop kini sa Brgy. 23-C Mini Forest, Blvd. sa kasong paglapas sa RA 9615 kun Comprehensive Dangerous Drugs Act of 2002 ug si Guendale Jade Embudo Embate, 19 anyos, residente sa may blk. 57, Brgy. 21-C, Piapi Blvd. sa kaso usab nga robbery.
Ang mga dinakpan balhog na karon sa Sta. Ana PNP ug temporaryong gikustodiya sa maong police station.
RadyoMaN Paul Canono
