Upat ka wanted persons, gisikop

63
PC: Misamis Oriental PPO

Gisikop sa kapulisan sa Misamis Oriental ang upat ka wanted persons sa managlahing higayon.

 

Una, gisikop sa kapulisan sa Medina Misamis Oriental ang number 2 most wanted person sa ilang lungsod.

 

Kini mao ang 58 anyos nga si Ma. Alma Ada Baquirel, minyo ug taga Purok 1, North Poblacion, Medina, Misamis Oriental.

 

Gisikop si Baquirel tungod sa kasong Illegal Recruitment in Large Scale ug dili pwedeng makapiyansa.

 

Ikaduha, gisikop sa kapulisan sa Talisayan Misamis Oriental ang babayeng wanted sa kasong paglapas sa Batas Pambansa Bilang 22.

 

Kini mao ang 40 anyos nga si Yolanda Rugay Rakim, minyo ug taga District 7-B, San Jose, Talisayan, Misamis Oriental.

 

Makagawas lamang si Rakim kung makapiyansa og kwatro mil pesos.

 

Samtang laing duha ka wanted persons ang gisikop sa kapulisan sa Gingoog City mga alas tres kagahapon sa hapon sa Purok 2, Barangay Kalagonoy, Gingoog City.

 

Matud ni Gingoog City Police Station, Acting Chief of Police, Police Supt. Ariel Philip Pontillas nga ang mga suspek mao silang Joseph Hirawon Ambal alyas Dandan ug Jerson Fabre dela.

 

Ang duha nag-atubang sa kasong first form of rape nga walay piyansa.

Facebook Comments