Davao City – Arestado sa Talomo Police Station ang upat ka mga kustomer nga nag wild sa Bonguyan Beach Resort, Matina Aplaya, Davao City.
Sa blotter sa Talomo PNP, gipangsikop sila si Ruel Bantac (29 anyos), Winston Bantac (24 anyos), Sammy Bantac (24 anyos) ug Noland Bantac (18 anyos), pulos mga vendor ingun man mga netibo sa Brgy. Marilog, Davao City, human mag wild alas 11:55 sa kagabhion.
Mireklamo ang management sa maong resort tungod kay sa pag-ulbo sa kasamok nanagan ang ubang mga kustomer ug wala mabayri ang order nga mga ilimnun.
Mukabat sa singko mil kapin ang wala mabayri sa mga nanagan nga kustomer gumikan sa kasamok rason nga pabayran sa management ngadto sa mga dinakpan.
Miresponde ang mga pulis sa Talomo ug sa dihang giduol sa mga otoridad miaksyon kini sa pagsukol rason sa ilang pagkabalhog karon sa presinto tres.
RadyoMaN Erin Lumosbog
