UPDATE | 16-anyos nga bata nga babaye sa banwa sang Sigma nga missing sang nakaligad nga adlaw, nakit-an na; Gin-akigan sang ginikanan kabangdanan nga naglayas!

570

Sigma, Capiz- Nakit-an na ang 16-anyos nga babaye nga una nareport nga missing sa banwa sang Sigma.

Ginkumpirmar SPO2 Cheryl Caporal sang WCPD Section sang Sigma PNP, matapos nga ila ma-post sa FB account madamo sang mga impormasyon angut sa ginahamtangan sang menor de edad nga si Nica Jane Dela Vega sang Poblacion Sur, Sigma, Capiz nga missing humalin pa sang Enero 7, 2019 mga 1:30 sang hapon.

Suno diri, may nagpalab-ot sa ila sang impormasyon nga nagsakay ang amo nga persona sa byahe sang Montenegro Shipping Lines nga padulong sa Roxas, Mindoro gani nga insigida sila nga nagpakig-angut sa mga contacts para nga madali ini nga marescue.

Ginpahayag ni SPO2 Caporal, naglayas ang amo nga menor de edad bangud sa kalain sang buot matapos nga ini ang gin-akigan sang ginikanan bangud nga masami nagatambay sa computer shop.

Kadungan sini, iya nga ginpasalamatan ang pamunoan sang PNP Maritime Group sa pagpanguna ni P/SUPT Enriquez, Police Chief Insp. Batulayan sang Roxas Mindoro Police Station,Police Insp. Mona Guia Menez sang WCPD Regional Office 6, PO1 Maylas kag PO3 Laurino sang Aklan PPO, Sarah Madrigal kag Valentin Lejencio sang PPA TMO Roxas Mindoro.

photo © Sigma PNP

Facebook Comments