UPDATE 2 | Slug sang bala nga nakapatay sa 29-anyos nga babaye sa Putian, Cuartero, kumpirmado nga iya ni PO2 Almar Quiachon!

39

Cuartero, Capiz – Kumpirmado nga armasluthang ni PO2 Almar Quiachon ang nakaigo kag nakapatay sa biktima nga si Mery Cris Dellava nga nasalabat lamang matapos ang komosyon samtang ginapatigayon ang binayle sa Brgy Putian banwa sang Cuartero.
Ginpahayag sang hepe sang Cuartero PNP nga si Police Senior Inspector Maria Socorro Borio, ini ang nagguha nga resulta matapos ginpatigayon ang ballistic examination sa armasluthang ni Quiachon kag ni Jovil Onato.
Suno kay Borio, “serviceable” ukon wala makalupok ang armasluthang nga ginapanag-iyahan ni Jovil Onato.
Sa madumdoman, wala gid makasalbar ang biktima nga si Merry Cris Dellava makaligad ini ang naigo sa paa sang bala samtang yara sa sulod sang ila panimalay.
Una na nga napasaka sang kapulisan ang kaso nga administratibo kontra kay Quiachon samtang lima naman ka mga kaso ang ginpasaka kontra sa persona nga si Jovil Onato matapos nga nakuhaan man ini sang armasluthang.
Suno sa hepe sang Cuartero PNP, kaso nga direct assualt, pagbayolar sa RA 10591 ukon illegal possession of firearms in relation to Comelec gun ban, resisting arrest kag attempted murder ang atubangon ni Onato.
Samtang matapos nga makaguha ang resulta sang ballistic examination, ginpahayag ni Police Senior Inspector Maria Socorro Borio nga ginahulat nila sa subong ang pamilya sang napatay nga si Mery Cris Dellava para nga pormal na nga mapasaka ang kaso kontra sa suspetsado nga pulis.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments