UPDATE. Apat ka pulis – PATAY sa ‘ambush’ sa Ayungon, Negros Oriental

1254

Na-retrieve na ang bangkay sang apat ka pulis nga ginpangluthang-patay sa Sitio Yamot, Barangay Mabato, banwa sang Ayungon, Negros Oriental.

Natabu ang insidente pasado alas-4 sini gid lamang nga hapon sang APAT ka personnel sang Nabingca Post sang Regional Mobile Force ang naga-sakay sa ila motorsiklo (badja black&xrm black) sang gulpi lang sila ginpangluthang sang wala na-identify nga mga armado.


Ang apat ka pulis ang dead on spot bangud sa madamo nga igo sang bala sa ila lawas samtang ang mga suspek ang gilayon naman nga nagpalagyo sa nabukid nga bahin sang amo nga lugar.

Suno sa provincial director sang Negros Oriental – Police Col. Raul Tacaca nga INDI pa nila ma-release ang pangalan sang apat ka pulis bangud nga wala pa na-inform ang ila tagsa tagsa ka pamilya.

Sa report nga nakuha sang RMN-DYHB, lunsay taga-Negros Oriental ang nagkalamatay nga pulis.

Sa karon, ang bangkay sang biktima ang gindala sa Bindoy District Hospital.

Facebook Comments

From Advertisers