Dimataling, Zamboanga del Sur – Nasuta na sa mga otoridad ang klase sa eksplosibo nga nibusikad sa Purok 11, Poblacion, Dimataling Zambonga del Sur niadtong nakalabay nga adlaw nga nikutlo sa kinabuhi sa usa ka menor de edad og gikasamad sa kadula niini.
Base sa report sa Zamboanga del sur police Provincial Office human sa gihimo nga pagtuon sa explosive ordnance disposal team nasuta nga 40mm ang gidulaan sa mga bata.
Giila ang mga biktima nga sila si Jhon Javier Bonga, 3 anyos ug Reymund Maghinay 3 anyos managsamang lumulupyo sa nasangpit nga dapit.
Base sa imbestigasyon nasayran, nga gidulaan sa mga biktima ang 40 mm panimalay ni Ginalyn Carpila Vallecer og kalit kining mibuto, nga miresulta sa kamatayon sa batang si Jhon Javier Bonga samtang ang kadula niini daling gidala sa balay tambalanan sa Margosatubig alang sa medikasyon.
