Basilan- Un cadaver del miembro del bandido grupo Abu Sayyaf y un m14 rifle el ya puede recubri el maga tropa del 68 Infantry Battalion despues el fuerte bakbakan que ya occuri endenates 8:45 del aga na sitio Pali,brgy Abong-abong, Maluso Basilan.
Asegun con el commandante del Joint Task Force Basilan BGen Juvymax R. Uy que ensiguidas ya ordena le el deployment del air asset para supporta con el maga tropa quien ta continua hace lagas con el maga bandido,lo mismo ya dale le el directiva con el otro maga battalion incluhido el Special Forces Battalion, 64th Infantry Battalion y el 18th Infantry Battalion para hace fuerte bisyada na maga lugar donde possible ay escapa el maga enemigo.
El commandante del Western Mindanao Command ( WESMINCOM ) Lieutenant General Galvez por su parte ya commenda con el maga tropa na del Joint Task force Basilan bajo na liderato di BGen Juvymax R. Uy con el de estos accomplishimento.
Mientrastanto, nohay pa confirma el militar con el report que ya hace sale del mas temprano el hefe del Maluso Municipal Police Station Police Senior Inspector Faizal Tandico que donde ya subi ya asegun na seis el muerto na lao del Abu Sayyaf.
