General Santos City–Gibutyag sa mananambal nga si Julio Crayop kansa usa sa mga nitabang sa pagpagawas sa mga dautang espiritu nga misulod sa mga bata sa usa ka eskwelahan sa Barangay Apopong nga walay gipangayong halad ang mga nahisgutan inay buot lang nilang mangayog dispensa ang mga nag-guba matud pa sa ilang balay.
Basi sa iyang pakigsulti ngadto sa espiritu nga misulod matud pa sa usa ka estudyante, nasuko ang mga nahisgutan human nga nabungkag ang ilang pinuy-anan human gipamutol ang mga punuan sa kahoy ug gitukuran ug 4 story building nga iyaha sa grade 6.
Tungod niini ugmang adlawa magtigum ang tanang mga maestro mga nag-tukod sa tunghaan ingon man ang tanang mga gipangsudlan sa 4 story building aron mangayog pasaylo.
Nasayran nga kaganinang buntag, laing 7 na usab ka mga estudyante ang gipangsudlan ug espiritu diin sagad sa ilang ginasinggit mao ang ibalik matud pa ang ilang balay nga naguba ug dapat mangayog pasaylo ngadto kanila ang tanang miguba sa ilang balay.
