Davao – Anaa na sumala pa sa luwas nga kahimtang ang usa ka grade 7 student sa usa ka pribadong eskwelahan sa Calinan, Davao City nga aksidenteng nasunog ala-1:15 adlaw’ng Biyernes sa hapon.
Sa interbyu sa DXDC RMN Davao kang Police Captain Francisco Sendo, deputy chief sa Calinan PNP, gibutyag niini nga samtang nag-andam sumala pa sa ilang search pageant, kalit na lamang sumala pang gidakop sa kalayo sa kandila ang costume niini rason sa iyang pagkapaso.
“While preparing sila sa ilang props nga costume made of abaca, accidentally gidakop sa kalayo iyahang kadtong gi-prepare nga costume maoy hinungdan nga nangapaso ang part sa iyang lawas,” saysay ni Sendo.
Nakahi-agom sumala pa og second degree burn ang estudyante ug dali usab nga narespondehan sa Calinan paramedics ug daling gidala sa Southern Philippine Medical Center (SPMC).
RadyoMaN Kirby Manzon
