Roxas City, Capiz – Magapangatubang sang kaso nga paglapas sa R.A. 10364 ukon Expanded Anti- Trafficking in Human Act of 2012 ang floor manager sang Paradise Bar nga si Elcid Besana Dario.
Suno sa hepe sang CIDG-Capiz nga si Police Major Chris Artemius Devaras, wala sang piyansa ang nasambitan nga kaso kontra kay Dario.
Sa madumdoman, pito tanan ka mga kababahinhan nga nagatrabaho sa amo nga bar ang madinalag-on nga narescue sang mga otoridad kaupod ang CSWDO.
Sa subong, padayon nga yara sa kustodiya sang CIDG- Capiz si Dario samtang tatlo na lamang ka babaye ang nagapabilin sa paghinakop sang “Poluy-an sang Pagpalangga Crisis Center”.
photo(c)- Google map
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
