Roxas City, Capiz- Padayon nga gina-obserbahan ang 38-anyos nga inmate sang Capiz Rehabilitation Center(CRC) matapos ini ang nagtuyo sa pagsuicide kaina sang alas 11:30 sang aga pinaagi sa paglaslas sang iya pulso. Nag-angkon ini sang pilas sa nawala nga parte sang kamot tuga sang gingamit nga blade. Suno kay Provincial Guard- I Celso Valencia, naga-roving ini sa mga selda sang ginpahibalo sa iya ang insidente. Na-abtan sang mga ini ang duguon kag lipong nga biktima kabangdanan insigida nila nga gindangat sa ospital. Nahibaluan nga ikaduha na ini nga tiun nga magpanginmatay ang amo nga biktima kun sa diin ang una amo sang ini ang yara pa napreso sa President Roxas PNP bangud sa ginapangatubang nga kaso nga illegal possession of firearms. Ginapahayag nga may yara sang deperensya sa panumdoman ang amu nga biktima.
