Davao City – Gawas sa sobra usa ka milyones ka pesos nga kantidad sa droga nga nasakmit atol sa joint buybust operation sa Bunawan PNP ug Task Force Davao sa mag-uyab nga drug suspects, nagpositibo usab kini atol sa pagpailawom sa drug test.
Kini sumala pa ni Bunawan PNP Station Commander Police Major Noel Villahermosa sa pakighinabi sa RMN Davao.
Matud ni Villahermosa nga ipasang-at karong adlawa ang kaso batok sa duha ka mga drug suspects nga sila Michael Madelo Duarte, 37 anyos ug partner niining si Catherine Flores Catamora, 24 anyos kinsa kauban niini sa transaksyon.
Kasong paglapas sa Sec. 5 ug Sec. 11 ang atubangon sa mga suspetsado.
Gikasa sa mga awtoridad ang buybust ala-1:30 sa kadlawon adlaw’ng Lunes sulod sa girentahang balay sa mga suspek sa may North Eagle 1, Tagum City, Davao del Norte.
Gipanganti ni Villahermosa nga sa pagkasikop sa maong mga High Value Targets masubay ug madakpan usab nila ang uban pang mga nalambigit sa illegal drug activities.
RadyoMaN Aimee Guinita
