Davao City – Personal nga motibo ang gilantaw karon sa kapolisan human nigawas ang imbestigasyon sa Sta. Ana PNP kalabutan sa pagpusil-patay sa usa ka membro sa LGBT nahitabo niadtong milabay’ng gabie didto sa F. Bangoy, Brgy. Tomas Monteverde, siyudad sa Davao.
Sumala ni Police Officer 1 George Dela Cruz Jr., imbestigador Sta. Ana PNP, nalambigit matud pa ang biktima sa pagpangawat sa maong lugar.
Gidugang ni Dela Cruz nga ang biktima kanunay matud pa nagatambay sa mga lugar sa may F. Bangoy, Brgy. Tomas Monteverde ug didto sa may Cabaguio ning siyudad.
Kahinumdoman nga gipusil sa duha ka higayon sa wala pa mailhing riding in tandem ang biktima nga si Alexander Castillo gamit ang .45 kalibre sa pusil hinungdan sa iyang hinanaling kamatayon.
RadyoMaN Don Pulayao
