Narekober na ang motorsiklo sang zumba instructor nga ginpatay kagab-i sa banwa sang Banga, South Cotabato sa ginpatigayon nga follow up operation sang Koronada City PNP. Sa exclusive interview sang RMN Koronadal kay Deputy Chief of Police sang Koronadal City PNP, Police Major Rommel Hitalia narekober nila ang motorsiklo sang biktima upod ang Banga MPS sa nasambit nga banwa kagaina. Samtang, duha naman ang gin-aresto bilang person of interest suno kay Police Major Joseph Forro III sa interview sang RMN Koronadal. Sa subong yara na sa Koronadal PNP ang cellphone sang biktima sa diin ulihi sini naka-chat sa facebook bag-o pa natabo ang krimen. Napatay si Arvin Rey Mardehanon, yara sa legal nga pang-edaron, single kag residente sang Purok Leganes, Brgy. Zone 1, Koronadal City bangud sa pilas nga naangkon sa iya dughan tuga sang pagpamuno kagab-i.
